📃 Licentia de Comprehension Human

Version 1.2 - 05/2025

Dispositiones general:

Le objectivo de iste licentia es facilitar un forma pro le distribution e/o modification collaborative e non-commercial de Software (Compilate o codice fonte) contento, archivo o insimul de archivos (In avantia: Le Obra) sub le marco de un licentia permissive.

Propositos prohibite:

Non pote usar ni Le Obra ni alcun obra derivate pro trainar modellos de Intelligencia Artificial sin le consentimento clar e explicit del autores.

Non pote Commerciar con Le Obra o alcun obra derivate. Non pote usar/distribuer Le Obra in nomine de un organisation, compania o altere persona non physic exceptante:
* Organisationes Sin Animo de Lucro que non va reciper beneficios economic directemente del distribution o utilisation de Le Obra.

Acceptation:

Per le uso de Le Obra directemente tu accepta le conditiones de iste licentia. Non face nihil con Le Obra que tu non vole o pote.

Copyright:

Cata collaborator te autorisa a facer con Le Obra toto lo que non infringe de alcun maniera le leges local, national, international e ille cambios necessari pro le melioration de illo, salvo lo specificate in le Propositos prohibite del licentia.

Obras derivate:

Pro realisar un obra derivate de Le Obra on debe accreditar le collaboratores original de forma clar per le inclusion de un archivo “AUTHORS.txt" in formato texto plan sin marcage ni linguage de programmation ubi es situate clarmente como consultar / discargar Le Obra original e un listato simple de tote le collaboratores previe.

Distribution e notification de licentia:

On debe assecurar se que totes qui recipe de te un copia de qualcunque parte de Le Obra, con o sin cambios, recipe equalmente le texto de iste licentia de forma clar per le inclusion de un archivo "LICENSE.txt" e in le caso de Software, in le parte del mesme que da information super le software, version, autor, etc. Fenestra "A proposito" o similares. In articulos web/gopher/gemini o altere elementos de texto debera dicer le sequente in alicun loco visibile del mesme:

"Iste (Typo de obra) es disponibile sub le Licentia de Comprehension Human."

Exemplo de contento del archivo AUTHORS.TXT

"NOMINE DEL OBRA DERIVATE" ES UN BIFURCATION E/O ES BASATE IN "NOMINE OBRA ORIGINAL":
www.web-obra-original.com

Autores "NOMINE OBRA ORIGINAL":
- Autor original
- Collaborator 1
- Collaborator 2
- Collaborator 3

Excusa:

Si tu non observa per ignorantia o error le terminos de iste licentia, tu habera trenta (30) dies pro complir con le licentia un vice que tu ha essite informate del violation.

Patente:

Super le facto de patentar Le Obra isto solo lo pote realisar le Collaborator Original del mesme e ~=> solo del portiones de le Obra que pertine a ille/illa <=~. In necun caso on pote patentar le portiones de le Obra de altere collaboratores sin permission explicit del mesmes de forma clar e concise.

Monetisation:

Non se pote commerciar directemente con le Obra ma si monetisar alcun beneficio relationate con le mesme per alicun typo de medio passive. (Donationes, per exemplo.)

Confiabilitate:

Necun collaborator pote revocar iste licentia.

Actualisationes de licentia.

Tote Obra licentiate sub iste licentia essera submittite, per predefinition a su actualisationes.

Discarga de responsabilitate:

Usque ubi le lege lo permitte, Le Obra veni tal como es, sin necun garantia o condition e necun collaborator essera responsabile ante necuno pro necun damno relationate con Le Obra o iste licentia, sub necun typo de reclamo legal.